Bota

Misteri i princeshës Latifa, dyshohet se mbahet e mbyllur në Emiratet e Bashkuara Arabe

Princesha e re arabe, vajza e emirit të fuqishëm të Dubait, është zhdukur pasi ka denoncuar dhunën e të atit me një video në “YouTube”.

Princesha e re arabe, vajza e emirit të fuqishëm të Dubait, është zhdukur pasi ka denoncuar dhunën e të atit me një video në “YouTube”. Është rrethuar nga misteri çështja e Latifas, 32-vjeçe, protagoniste e një “spy story” të vërtetë, që ka nxitur organizatën “Human Rights Watch” të zbresë në terren për të gjetur të vërtetën mbi rastin në fjalë, duke hipotekuar “një zhdukje të sforcuar”, me “prova” që e reja mbahet e mbyllur në Emiratet e Bashkuara Arabe.

Denoncimi në “YouTube” – Ankthi për fatin e Latifas, e bija e emirit Sheikh e Dubai dhe Kryeministrit në Emiratet e Bashkuara Arabe, Al Maktoum, nisi dy muaj më parë kur vajza rrëfeu se familja e ka mbajtur të burgosur dhe se ajo ishte viktimë e abuzimit: 40 minuta video, në të cilën ajo e akuzoi babanë e tij se ishte i gatshëm të “vriste” për të shpëtuar reputacionin e tij, duke dhënë edhe një mesazh shqetësues: “Nëse e shikoni këtë video nuk është një lajm i mirë, kjo mund të thotë vetëm dy gjëra: ose ata janë të vdekur ose janë në telashe”.

Përpjekjet për të shpëtuar – Latifa kishte shpjeguar gjithashtu planin e saj për të shpëtuar dhe tregoi arratisjen e dështuar të Shamsa-së, e motra e saj, e cila u përpoq për të shpëtuar në Britani para se të kapej nga autoritetet e Emirateve të Bashkuara Arabe dhe u kthye me forcë në Dubai. Në video ajo gjithashtu zbuloi përpjekjen e saj të mëparshme të arratisjes, e cila dështoi në vitin 2002, kur u “kap, burgos dhe torturua”.

Arratisja me një ish-spiun dhe mikeshën – Herën e fundit që ajo është parë, daton në 3 mars, në bazë të rindërtimit të siguruar nga një ish-spiun francez, Jaubert dhe mikeshës finlandeze, Johanna Jauhiainen. Të dy gratë arrijnë të ikin në Oman para se të hipin në një anije për të takuar Jaubert në bordin e anijes së tij. Varka, megjithatë, është kapur ditën tjetër nga anijet luftarake, tre indiane dhe dy të emirateve.

“Më mirë të vdes sesa të kthehem në Emirate” – Historia e bastisjes, sipas mikeshës së saj finlandeze në Londër një muaj më parë, përshkruhet si një operacion i dhunshëm, e mohuar nga India dhe për të cilën autoritetet e UAE-së nuk pranuan të komentojnë. “Gjatë bastisjes, Latifa këmbëngulte duke thënë se ishte duke kërkuar azil politik”, tha shoqja e saj, duke thënë se princesha thoshte “do të vdisja vetëm të mos kthehesha në Emirate”, para se të tërhiqej me forcë.

Që atëherë, heshtja dhe misteri kanë rënë mbi të, por “Human Rights Watch” e ka rikthyer në skenë, me hipotezën e mbajtjes me forcë.