Opinion

Shqipëria bëhet një vijë e parë në betejën ndërmjet Iranit dhe SH.B.A.

Nga: Elis Gjevori

Duke pritur Muxhahedinët e Popullit të Iranit (MEK) në emër të SH.B.A.-së, megjithëse grupi u etiketua si një organizatë terroriste nga Irani, Shqipëria ka tërhequr vëmendjen e udhëheqësit Suprem Ali Khamenei.

Ministri i jashtëm në detyrë Gent Cakaj njoftoi në llogarinë e tij në Facebook se dy diplomatët iranianë do të dëboheshin nga Shqipëria. Ky pason një vendim të vitin 2018 i cili dëboi ambasador iranian dhe e ka bërë Shqipërinë një vijë të parë në përplasjen midis Shteteve të Bashkuara dhe Iranit.

Vendimi për të dëbuar diplomatët iranianë ka shumë mundësi të ketë ndodhur për shkak të deklaratave të bëra nga Udhëheqësi Suprem i Iranit Ali Khamenei pas vrasjes së Kasem Sulejmanit nga ana e SHBA në të cilat ai tha: “Në një vend shumë të vogël evropian, por një vend i ligë në Evropë, ka elementë amerikanë me disa tradhtarë iranianë, ata u mblodhën për t’u bashkuar kundër Republikës Islamike”.

Në vitin 2014, nën presionin e SH.B.A.-së, Shqipëria mori më shumë se 4,000 anëtarë të Muxhahedinëve Popullorë të Iranit (MEK) një grup të fshehtë që më parë e kishte bazën e tij në Irak.

“Shqipëria po pret një nga organizatat më të rrezikshme terroriste në emër të Shteteve të Bashkuara”, thotë Dr Olsi Jazexhi, një akademik dhe ekspert shqiptar që ka ndjekur aktivitetet e MEK në Shqipëri.

“Amerikanët i imponuan MEK- un Shqipërisë dhe duke qenë se Shqipëria është një shtet shumë i brishtë ata duhej ta pranonin. E njëjta gjë u bë nga kryeministri Edi Rama i cili është akoma duke pritur anëtarë të MEK në Shqipëri”, tha Jazexhi për TRT World.

I konsideruar si një grup terrorist nga Irani, MEK gjithashtu u rendit si një organizatë terroriste nga Departamenti Amerikan i Shtetit deri në vitin 2012.

Administrata e Obamës ri-caktoi grupin dhe zyrtarizoi një marrëdhënie që SHBA ishte duke e zhvilluar fshehurazi, duke mbrojtur grupin në Irak në një bazë ushtarake amerikane, nën pushtimin Amerikan.

“Arsyeja për sjelljen e MEK në Shqipëri është padija e përgjithshme e politikanëve shqiptarë që nuk e kuptojnë rrezikun e terrorizmit ndërkombëtar dhe implikimet që ky terrorizëm ka mbi shtetet dhe kombeve”, shtoi Jazexhi.

MEK është një organizatë militante politike që pajtohet me një përzierje të pazakontë të ideologjisë marksiste dhe islamike.

Ajo është akuzuar për vrasjen e personelit ushtarak amerikan, bombardimin e kompanive amerikane dhe shënjestrimin e civilëve iranianë të pafajshëm gjatë një fushate terrori për disa dekada.

Një raportim nga media amerikane NBC News sugjeroi që grupi po financohet nga inteligjenca izraelite dhe gjithashtu ishte pas një varg atentatesh që synonin shkencëtarët bërthamorë të Iranit ndërmjet viteve 2007 dhe 2015.

“MEK është përçmuar thellë në Iran, ata luftuan për Saddam Hussein kundër Iranit për tetë vjet. Pastaj ata spiunuan për amerikanët dhe izraelitët, ata janë mercenarë dhe një grup kulti”, tha Seyed Mohammad Marandi, Profesor i Letërsisë Angleze dhe Orientalizmit në Universitetin e Teheranit.

Ish anëtarët e MEK kanë folur për rregullat shtypëse prej kulti të zbatuara në organizatë, përfshirë martesat që duhen rregulluar nga udhëheqja. Ka pasur raporte që organizata ka kërkuar herë pas here nga ndjekësit e saj që të divorcohen masivisht dhe të bllokojnë dhe madje kanë vranë anëtarët që kanë kritikuar dogmën e Maryam Rajavi, kreut aktual të MEK.

“Askush në Iran nuk ka ndonjë simpati ose respekt për ta, MEK, ata janë tradhtarë të vendit. Ato janë mjet i fuqive perëndimore. Mijëra prej tyre janë duke punuar si një ushtri online në Shqipëri”, tha Marandi duke folur për TRT World.

Në fillim të këtij viti “The Intercept”, në një publikim investigativ në internet raportoi se si MEK kishte krijuar një person të rremë në internet të quajtur Heshmat Alavi me qëllim të përhapjes së propagandës kundër qeverisë iraniane, përfshirë mbështetje për ndryshimin e regjimit.

I ashtuquajturi shkrimtari Alavi ishte i menaxhuar pjesërisht nga Shqipëria dhe kishte mashtruar shumë botues amerikane që kishin botuar shkrimet e personave të rremë.

“Duke përdorur pseudonime të ndryshme në internet, në Facebook si dhe në Twitter” ata kanë arritur të krijojnë një ushtri dixhitale, thotë Marandi, duke shtuar: “Këto platforma sociale nuk bllokojnë aktivitetet e tyre sepse ato bëhen në koordinim me qeverinë amerikane dhe gjithashtu ata kryejnë veprimtari spiunimi në Iran”.

Vrasja amerikane ndaj gjeneralit iranian Sulejmani dhe hakmarrja pasuese nga Teherani në një seri sulmesh me raketa në bazat amerikane nënvizon manovrat e rrezikshme midis dy fuqive dhe potencialin për të tërhequr edhe vende të tjera, përfshirë shtetin e vogël Ballkanik të Shqipërisë.

“Shqipëria është bërë vendi më i rrezikshëm në botë për Iranin pas Shteteve të Bashkuara dhe Izraelit”, thotë Jazexhi.

“Ndërsa Shtetet e Bashkuara dhe Izraeli janë në konflikt të hapur me Iranin, Shqipëria duke pritur MEK është bërë një qendër kryesore e propagandës anti-iraniane në botë.

MEK nuk ka mungesë miqsh të fuqishëm në Uashington dhe në veçanti gëzon lidhje të ngushta me administratën e ngathët të Trump. Në 2017 grupi pagoi Këshilltarin e Sigurisë Kombëtare John Bolton dhe avokatin personal të Trump Rudi Giuliani për angazhimet në të folur në publik.

Me miq të fuqishëm si këta, politikanët shqiptarë nuk “guxojnë të bëjnë asgjë” thotë Jazexhi edhe pse “shumica e shqiptarëve janë të tmerruar nga ajo që po bën qeveria”.

MEK gjithashtu vepron kundër kodit penal shqiptar thotë Jazexhi.

“Kodi penal shqiptar përcakton shumë qartë se nëse një person ose një grup njerëzish nxit të luftojë kundër një vendi të huaj ose nxit njerëz ose u kërkon njerëzve të marrin pjesë në një konflikt në një vend të huaj, ata mund të ndiqen penalisht për këtë,” shton Jazexhi.

Veprimet e MEK në një vend të varfër si Shqipëria, i cili ende po përpiqet të dalë nga një diktaturë komuniste, nuk shikohet me sy të mirë për stabilitetin e tij afatgjatë ose sundimin e ligjit. Iraku është bërë një fushë beteje me ndikim midis SH.B.A.-së dhe Iranit, një konflikt larg nga shumë shqiptarë.

“Kur ju strehoni terroristë dhe ju ndihmoni terroristët, duhet të keni frikë të vuani pasojat. Këta nuk janë njerëz normalë”, thotë Marandi. “Qeveria shqiptare është e pamend që bashkëpunon në një mënyrë të tillë me amerikanët”.

Presidenti shqiptar Ilir Meta hodhi poshtë komentet e bëra nga Khamenei duke thënë: “Shqipëria nuk është një vend djallëzor, por një vend demokratik”. Sidoqoftë, Meta nuk përmendi mungesën e strukturave demokratike brenda MEK dhe shkeljet e të drejtave të njeriut që janë akuzuar.

“MEK me kampet e saj paramilitare që ata kanë në Manzë, në Shqipëri ka krijuar një shtet brenda një shteti”, thotë Jazexhi dhe ndërsa tensionet midis Iranit dhe SH.B.A.-së vazhdojnë të nxehen, roli që MEK po luan në Shqipëri gjithashtu mund ta bëjë atë një tjetër skenë teatri të këtij konflikti./Gazetaimpakt/trtworld/

OPINIONE