Bota

Studiuesi turk shpreh keqardhje për rolin negativ të Rijadit në Botën Muslimane

Arabia Saudite luan një rol negativ në botën muslimane, tha një studiues turk.

Duke folur për Agjencinë e Lajmeve IQNA, Dr. Cuneyt Akalin, profesor i shkencave politike në Universitetin e Stambollit, tha se Emiratet e Bashkuara Arabe dhe Bahrejni po ndjekin gjithashtu Arabinë Saudite në politikat e tyre.

Sauditët duhet të ndryshojnë rrugën e tyre ndaj çështjeve të botës muslimane, nënvizoi ai.

“Ata nuk i kushtojnë vëmendje çështjes së Kudsit (Jerusalemit) dhe vazhdojnë luftën në Jemen”.

Rijadi duhet të marrë vendimin nëse dëshiron të vazhdojë të bashkëpunojë me SHBA-dhe Izraelin, tha ai, duke shtuar se ndryshe, reagimet negative ndaj mbretërisë do të intensifikohen nga dita në ditë.

Duke iu referuar masës së fundit të presidentit amerikan Donald Trump për të shpallur Kuds si kryeqytetin e regjimit izraelit, Dr, Cuneyt Akalin përshëndeti reagimin e botës muslimane në këtë veprim si të pranueshme, duke thënë se shumica e vendeve muslimane adoptuan një qëndrim të qartë kundër tij.

Vendet islamike dhe ata që mbrojnë paqen kanë treguar se nuk do të dorëzohen para padrejtësisë, theksoi ai.

Përveç regjimit të Tel Avivit dhe disa vendeve të vogla, e gjithë bota ka kundërshtuar vendimin e SHBA-ve dhe kjo është shumë e rëndësishme, tha ai.

Trump zyrtarisht shpalli qytetin e diskutueshëm si kryeqytet të Izraelit, pavarësisht paralajmërimeve nga e gjithë bota se veprimi rrezikon të shkaktojë një valë të re të dhunës në Lindjen e Mesme.

Në një fjalim në Shtëpinë e Bardhë më 6 dhjetor, 2017, Trump tha se administrata e tij do të fillojë gjithashtu një proces afatgjatë për të lëvizur ambasadën amerikane nga Tel Avivi në qytetin e shenjtë, Kuds, Jerusalem.

Liderët palestinezë kanë paralajmëruar më parë se ky veprim do të kërcënonte një zgjidhje prej dy shtetesh.

Më 21 dhjetor, 2017, më shumë se 100 shtete e sfiduan Trumpin dhe votuan në favor të një rezolute të Asamblesë së Përgjithshme të Kombeve të Bashkuara duke bërë thirrje që Shtetet e Bashkuara të tërheqin vendimin e saj.

Izraeli e ka pushtuar Jerusalemin Lindor që nga lufta e vitit 1967 në Lindjen e Mesme. Ai aneksoi zonën në vitin 1980 dhe e sheh atë si domenin e saj ekskluziv. Sipas ligjit ndërkombëtar, zona konsiderohet si territor i pushtuar.

Burimi : IQNA/ ML

OPINIONE