Opinion Shqiperia

Tirana probleme me furnizimin me energji elektrike dhe ujë

Nga Alice Elizabeth Taylor

Është viti 2019 dhe Tirana akoma vuan nga ndërprerjet e energjisë elektrike dhe ujit, sidomos gjatë muajve të verës.

Nëse jeton në qendër të Tiranës, ke mjaftueshëm ujë për të bërë dush apo për të përdorur pjatalarësen në mëngjes nga ora 7-8:30 dhe mbasdite nga ora 18:00 deri 19:30. Pjesa tjetër e kohës mjafton vetëm për shkarkuar tualetin apo larë enët.

Gjatë muajve të verës, shpesh e gjejmë veten pa ujë për disa orë apo edhe ditë. Kjo do të thotë që nuk mund të gatuajmë, pastrojmë, përdorim tualetin, të lajmë rrobat, dhe unë e kam të pamundur të laj fëmijën time në rast se nuk kam shishe me ujë rezervë.

E njëjta situatë është edhe në zonën e Myslym Shyrit. Një mik më tregon se “kështu ka qënë gjithmonë, por në 2-3 vitet e fundit situata është përkeqësuar.”

Ai shton se “ka më pak orë furnizim me ujë dhe nuk dihen oraret kur kemi dhe kur nuk kemi ujë. Afër kemi shumë ndërtesa të reja, dhe besoj se uji ju shkon atyre.”

Në zonën e Ali Demit ka raportime për situata të ngjashme me ndërpreje të ujit disa herë në muaj. Afër Dajtit, banorët na treguan se oraret kur kanë furnizim të plotë me ujë janë midis 17:00-19:00, por për momentin dhe gjatë javës së fundit nuk kanë patur, duke u furnizuar me ujin që blejnë në dyqan.

Ndërprerje të ujit dhe energjisë ka dhe në Komunën e Parisit, zonën e Vasil Shantos, Selitës, Selvisë dhe Bllokut. Banorët treguan se kanë ndërpreje për dy deri në 24 orë, e cila ndodh një herë në muaj ose ditë për ditë.

Ata që jetojnë në blloqe apartamentesh të reja nuk vuajnë aq shumë – një mik tjetër që jeton në një apartament, qiraja e së cilës është me katër shifra, nuk ka pasur ndonjëherë ndërprerje të energjisë, ose ndonjë problem me ujin. E njëjta situatë është edhe në kompleksin e apartamenteve Nobis, ku apartamente me 2 dhoma gjumi mund të merren me qira për mbi 1000 Euro në muaj.

Ata që jetojnë në ndërtesa apo zona jo shumë të populluara me të huaj ose me një nivel të ardhurash të caktuar rrallë vuajnë nga këto probleme.

Dikush më tha se bën mësim privat të gjuhës angleze në shtëpinë e saj si mënyrë jetese dhe vazhdimisht duhet t’i anulojë ato për shkak të mungesës të energjisë elektrike, duke shtuar se nuk është për të qeshur të mos kes mundësinë të përdorësh dot kondicionerin në këtë kohë.

Kryebashkiaku Erion Veliaj premtoi se qytetarët e Tiranës do të kënë ujë 24 orë për pesë vitet e ardhshme, por përkundrazi gjërat duket se po shkojnë më keq. Një projekt pilot po zbatohet në disa zona të Tiranës përfshirë edhe Kodrën e Diellit. Projekti supozon se këto zona do të ketë ujë të pandërprerë. Por dy persona që jetojnë atje më treguan se shumë pak është përmirësuar problemi i ujit.

Për të mbështetur strategjinë e tij pesë-vjeçare, Veliaj dyfishoi cmimin e ujit për familjet- një vendim i cili ndikoi në strenjtimin e jetësën së qytetarëve.

UKT garanton se uji plotëson standardet e sigurisë, megjithatë kushdo që e pi atë, e di që nuk është kështu. Në fakt, veterineri im më rekomandoi që të mos i ushqej as macet me ujë çezme, për faktin se përmban parazitë, metale dhe elementë të tjerë potencialisht të dëmshëm.

Në 2018, kompania e preferuar e qeverisë Fusha shpk fitoi tenderin prej 3.2 milion EURO për ndërtimi i një impianti për përpunimin e ujit në rezervuarin e Bovillës, por deri më tani situata nuk duket të ketë ndryshuar./ exit

OPINIONE