Koreja e Veriut ka hedhur poshtë si “të pakuptimta” deklaratat nga Këshilltari i Sigurisë Kombëtare të SHBA John Bolton, i cili i ka bërë thirrje Phenianit të tregojë seriozitet në heqjen dorë nga armët e tij bërthamore, duke paralajmëruar se “asgjë e mirë” nuk do të vijë nga këto deklarata.
Bolton, në një intervistë me Bloomberg News botuar të mërkurën, tha se së pari kishte nevojë për një “tregues të vërtetë nga Koreja e Veriut se ata kanë marrë vendimin strategjik të heqin dorë nga armët bërthamore”. Të shtunën, Zëvendësministrja e Jashtme e Koresë së Veriut, Choe Son-hui, tha se Bolton “donte të tregohej mbi kapacitetin e tij duke thënë të tilla fjalë pakuptimta”, dhe shtoi se komentet e tij “të gjitha duken pabazuara dhe idiote”. Ajo shtoi: “Deklaratat e Boltonit më bëjnë të pyes veten nëse zyrtarët amerikanë kanë dalë nga sensi i kuptimit të qëllimeve të udhëheqësve të lartë të Koresë Veriore ose nëse ai po përpiqej të fliste me një ndjenjë të caktuar humori nga ana e tij, me devijimin e vet”. Choe gjithashtu paralajmëroi se nuk do të kishte asnjë të mirë nëse Uashingtoni vazhdon “të hedhë deklarata të tilla të paturpshme dhe të palogjikshme”./ PT
