Vrasja e Khashoggi do t’a detyrojë princin e kurorës saudite të kërkoj azil.
Sipas agjencisë së lajmeve Sputnik, duke cituar gazetën Al Kods Al Arabi, një burim perëndimor ka njoftuar se janë duke u bërë përpjekje për gjetjen e një vendi i cili do t’i jepte Mohamed bin Salmanit të drejtën e azilit, për ta mbrojtur atë nga veprimi ligjor me rastin e vrasjes së Xhamal Khashoggi. Në një artikull të botuar në lidhje me këtë cështje, thuhet: “Bin Salman përballet me akuza të tjera, të tilla si arrestimi i princave dhe biznesmenëve dhe lufta e Jemenit dhe ka të ngjarë që vendi i cili kërkohet për azil të jetë ndoshta në Evropën Lindore apo në Azi. Shtetet e Bashkuara po përballen aktualisht me dy opsione: Bojkotimin e Arabisë Saudite dhe braktisjen e Ben Salmanit dhe dërgimin e tij në një vend të tretë ku do t’i jepet atij e drejta e azilit. Bin Salman nuk mund të shkojë në një vend perëndimor sepse ligji ndërkombëtar nuk e lejon një gjë të tillë dhe opinioni publik perëndimor nuk e lejon atë të jetë i pranishëm. Prandaj, vetëm vendet e Evropës Lindore dhe të Azisë mbeten si opsion. Sigurisht, bin Salman nuk mund të qëndrojë në Arabinë Saudite, sepse ai do t’i nënshtrohet hakmarrjes së princave sauditë”.