Në qarkun Buxha të Izmirit, në Turqinë perëndimore, më saktësisht në shkollën e mesme Makbule Suleyman Alkan, mësojnë një numër i pazakontë binjakësh.

Mësuesit në një shkollë në Izmir të Turqisë, planifikojnë të aplikojnë për librin Guinness të rekordeve botërore, pasi në shkollën e tyre mësojnë 33 binjakë, raporton Anadolu.

Në qarkun Buxha të Izmirit, në Turqinë perëndimore, më saktësisht në shkollën e mesme Makbule Suleyman Alkan, mësojnë një numër i pazakontë binjakësh dhe trinjakë.

“Kur filluam të regjistrojmë nxënësit, ne pamë se në fakt po regjistrojmë 33 binjakë, si dhe trinjakë”, tha drejtori i shkollës, Bertan Çetin. “Numerikisht, ne mund të konkurrojmë për rekordet e Guinnessit. Drejtori për arsim kombëtar ka ofruar përkrahjen e tij. Nxënësit tanë së shpejti do t’i shohim në librin e rekordeve botërore”, tha ai.

Njëri nga prindërit e binjakëve, Ozlem Gultekin, tha se konkurrimi për librin e rekordeve do të ishte një gjë e mirë si për Izmirin, ashtu edhe për Turqinë.

Nëna e njërit prej trinjakëve që mëson në këtë shkollë, Zeliha Soysal, tha se të gjithë tre fëmijët e saj janë nxënës të suksesshëm. “Unë jam krenar e me ato. Ndonjëherë është e vështirë të merresh me tre fëmijë të së njëjtës moshë, por kur ata thonë ‘mami’, i harroj të gjitha problemet e mia”, tregon Soysal.

20