Bota

Aliyev: Ata që duan armëpushim i dërgojnë armë Armenisë

Presidenti i Azerbajxhanit, Ilham Aliyev, tha se ata që duan armëpushim humanitar midis vendit të tij dhe Armenisë, po i dërgojnë armë palës armene.

Azerbajxhani ra dakord për një armëpushim të ri humanitar për të shkëmbyer të burgosur dhe trupa, por Armenia theu armëpushimin vetëm disa minuta pasi ajo duhej të hynte në fuqi, tha Aliyev në një adresim kombit.

“Unë e kam listën. Pse kushdo që dëshiron armëpushim dërgon armë?”, pyeti Aliyev.

“Nëse doni ta shpëtoni shtetin armen, u thoni atyre të braktisin tokat tona. Ata do të dalin me një fjalë tuajën”, shtoi ai.

Azerbajxhani sot tha se forcat armene vazhduan sulmet ndaj vendbanimeve civile dhe njësive ushtarake të Azerbajxhanit, pavarësisht nga armëpushimi i ri humanitar në Malësinë e Karabakut.

Armëpushimi i ri i përkohshëm humanitar ndërmjet Azerbajxhanit dhe Armenisë i ndërmjetësuar nga SHBA-ja u njoftua të dielën dhe hyri në fuqi që nga ora 8:00 e mëngjesit të së hënës me kohën lokale (04:00 GMT).

Armëpushimi i parë i arritur më 10 tetor u shkel nga ushtria armene brenda 24 orësh pasi sulmet me raketa të Armenisë në qytetin Ganja të Azerbajxhanit morën shumë jetë të civilëve.

I dyti, më 17 tetor, u shkel përsëri nga Armenia.

Që kur përplasjet e fundit shpërthyen më 27 shtator, Armenia ka sulmuar vazhdimisht civilët dhe forcat azerbajxhanase./AA

OPINIONE

INTERVISTA