Presidenti Rexhep Tajip Erdoan ( Recep Tayyip Erdoğan) zhvilloi një bisedë telefonike me Kreun e Shtetit të Federatës së Rusisë, Vladimir Putin.
Dy liderët theksuan rëndësinë e arritjeve të fituara në procesin e mekanizmit të Astana-s për një zgjidhje politike në Siri. Ata bënë të ditur se regjimi dhe opozita duhet të veprojnë në mënyrë konstruktive për procesin e përparimit në kuadër të OKB-së si dhe u theksua rëndësia territoriale e Sirisë.
Presidenti Erdogan tha se procesi politik lidhur me Sirinë nuk duhet të përfshijë organizatën separatiste terroriste PKK/PYD-YPG ose grupe që udhëzohen nga organizatat terroriste.
Dy liderët ranë dakord edhe mbi nevojën që Siria të mos bëhet një platformë konflikti midis Iranit dhe Izraelit.
Gjatë bisedës telefonike u shpreh edhe kënaqësia për përparimin e projekteve strategjike, siç janë centrali bërthamor Akkuyu dhe linja gazsjellëse Rrjedha Turke.
Erdogan dhe Putin gjithashtu theksuan rëndësinë e përdorimit të parave vendore për lidhjet e ndërsjella ekonomike, të cilat janë duke u zhvilluar gjithnjë e më shumë./ trt