Një incident ka ndodhur në Malin e Zi, ku pronari i një biznesi ka dëbuar një familje myslimane, e cila kishte shkuar për të marrë rreze dielli. Pas incidentit në plazh, kur pronari largoi një familje myslimane për shkak të hixhabit që kishte vajza e tyre, u shpreh edhe Ministri i Punëve të Brendshme të Malit të Zi, Filip Axhi, i cili tha se fajtori për ngjarjen ishte Dragan Gj.
Ky i fundit është dërguar në ambientet e Departamentit të Sigurisë së Tivarit për deklarim. Axhiç ka theksuar se reagimi i policisë ka qenë i shpejtë, duke shtuar se pret përgjigje nga prokuroria.
Siç ka shpjeguar më tej, ai është në dijeni se video e debatit është shpërndarë në disa rrjete sociale, por pretendon se videoja është montuar për ta paraqitur atë si njeri negativ.
Kujtojmë se në videon e bërë virale në rrjetet sociale, dëgjohet diskutimi i zhvilluar në plazhin privat që ai zotëron.
Keni nevojë që unë të përshtatem? Keni 1000 plazhe të tjera, shkoni atje, këtu nuk mundeni.
– Do të shkojmë, por dua të di arsyen – këmbënguli gruaja që e detyronte pronari i plazhit të ikte.
– Sepse i urrej myslimanët – tha Dragani.
G.MO/Shqiptarja.com
