Shqiperia

Akuza e PD: Agron Xhafaj, ndër bosët e trafikut të drogës, drejton një grup me bazë në Vlorë

Partia Demokratike ka denoncuar fakte të reja për vëllanë e ministrit të Brendshëm Fatmir Xhafaj. Në një deklaratë për mediat, deputeti Ervin Salianji thotë se Agron Xhafaj vijon trafikun e drogës.

“Fatmir Xhafaj siguron nga posti i tij, që i vëllai të mos bëjë asnjë ditë burg nga dënimi, por vazhdon të jetojë me paratë e drogës. Dje e pyetëm ministri e Brendshëm ‘A e vazhdon Agron Xhafaj trafikun e drogës’, por kanë kaluar 24 orë dhe nuk ende nuk është përgjigjur. Ne i dimë arsyet pse nuk përgjigjet. Sepse Agron Xhafaj nuk bën jetesë normale siç deklaroi ministri i Brendshëm, por drejton një grup kriminal me bazë në Vlorë”, – u shpreh deputeti Salianji.

Ai tha se “Agron Xhafaj është i paprekshëm në Shqipëri, pasi ministri i Brendshëm i garanton mbrojtjen”.