Presidenti Recep Tayyip Erdogan deklaroi se do të vazhdojnë t’i mbështesin dhe t’i dalin për zot turqve mesketianë.
30 dëshmitarë të dëbimit të dhjetëra mijëra turqve mesketianë nga atdheu i tyre në Gjeorgji u takuan me Presidentin Erdogan në një aktivitet të organizuar me rastin e shënimit të 75 vjetorit të ngjarjes në fjalë të organizuar nga Departamenti për Turqit Jashtë Shtetit dhe Komunitetet e Afrishme (YTB).
Erdogan theksoi se një pjesë e turqve mesketianë po bënë përpjekje të drejtë dhe me dinjitet për t’u kthyer në shtëpitë e tyre prej ku para 75 vitesh u detyruan të largohen papritmas, ndërsa shtoi se Turqia përkrahë procesin për vendosjen e drejtësisë në bazë të ligjit ndërkombëtar dhe barazisë.
“Shpresoj që ne do të vazhdojmë të punojmë me autoritetet gjeorgjiane dhe Këshillin e Evropës duke e konsideruar çështjen tuaj si çështjen tonë. Kjo çështje do të vazhdojë të jetë ndër prioritetet e marrëdhënieve tona me Gjeorgjinë dhe politikën tonë ndaj Kaukazit Jugor”, bëri të ditur Erdogan./trt