Balbir Singh kishte urrejtje kundër muslimanëve, gjithashtu ishte pjesë e grupit fanatik hindu që shkatërroi Xhamin e Babrit të shekullit të 16-të në qytetin Indian të Ayodhya më 6 dhjetor 1992.
Ai ishte personi i parë që arriti në majë të minares xhamisë qendrore, duke mbajtur një çekiç në dorë. Pas zbritjes nga xhamia, ai mori një tullë me vete, për ta mbajtur si dëshmi që ka plaçkitur dhe sharë muslimanët.
Shpejt pas rrënimit , Balbir së bashku me katër të tjetër (vullnetarë hindu që shkatërruan xhamin) Yogendra Pal i bëri një analizë vetvetes. Gjashtë muaj më vonë, ata u kthyen në Islam. Njëzet e tetë vjet më vonë, Singh u rikthye si Mohamed Amir, që tashmë ka ndërtuar 90 xhami. Ai ishte zotuar të ndërtojë 100 xhami për të shlyer pjesëmarrjen e tij në atë prishje.
Duke folur për Anadolu Agency, Balbir Singh tani Amir, tha se 28-vjet më parë, ai u pushtua nga urrejtja, kur u bashkua me entuziazëm për të shkatërruar xhaminë.
“Unë kisha premtuar të ndërtoj tempullin në emër të Lord Ram në vendin e Xhamisë Babri. Pasi kuptova gabimin, unë u zotova të lajë mëkatet e mia, duke ndërtuar 100 xhami ”, tha ai.
Frymëzuar nga Rashtriya Swayamsevak Sangh (RSS), mbrojtës i të gjitha grupeve radikale hindu, Singh ishte një anëtar i grupit politike Shiv Sena.”Kam ndjekur rregullisht stërvitje RSS dhe programe stërvitore në qytetin e Panipat në shtetin e Haryana, ngjitur me kryeqytetin kombëtar Delhi,” tha ai. Partia qeverisëse aktuale e Bharatiya Janata (BJP) besohet të jetë krahu politik i RSS.
Duke kujtuar udhëtimin e tij, Singh tha që ai shkoi në vetë-ekzaminim, menjëherë pas prishjes së xhamisë. “Kam kontaktuar me Maulana Kaleem Siddiqui përmes Yogendra Pal. Sjellja dhe mënyra e tij e të kuptuarit më çuan në kërkimin e shpirtit. Më 1 qershor 1993, unë përqafova Islamin, “tha ai.
Siddiqui është një klerik indian, i cili drejton një qendër mësimore islame në fshatin Phulat që ndodhet në Khatauli Tehsil të rrethit Muzaffarnagar të shtetit Uttar Pradesh.
Singh tani ka emigruar në jug të thellë në Hyderabad nga qyteti i Panipat. Ai pretendon se gjatë 28 viteve të fundit, ai tashmë ka ndërtuar ose riparuar 90 xhami në të gjithë Indinë.
Lindur në një familje Hindu Rajput (kastë e sipërme) në një fshat të vogël afër Panipat, babai i Singh, mësues i shkollës, u frymëzua nga filozofia e ikonës së lirisë së Indisë Mahatma Gandhi, i njohur për veprimtarinë e tij kundër dhunës.
“Babai im ishte i mërzitur me gjakderdhjen dhe dhunën në shkallë të gjerë, menjëherë pas pavarësisë së Indisë dhe bëri çmos për të ndihmuar muslimanët në zonë. Ai kishte dëshiruar që unë dhe vëllezërit e mi të ndiqnim gjurmët e tij”, tha Singh.
Familja e tij ishte transferuar nga fshati në qytetin e Panipat për të vazhduar arsimin, ku ai filloi të ndjekë stërvitjet e organizuara nga RSS. Ai më vonë u bashkua me Shiv Sena. Ai gjithashtu filloi të punojë me vëllain e tij në biznesin e tij të pastër.
– Duke kujtuar ditën e prishjes
Duke kujtuar ditën fatale të 6 dhjetorit 1992, Balbir tha se vullnetarët hindu të mbledhur nga e gjithë India kishin frikë se qeveria mund të vendosë ushtrinë për të mbrojtur xhaminë.
“Nuk kishte siguri efektive rreth xhamisë dhe kjo na trimëroi. Ne ishim të përgatitur mendërisht për të shkatërruar xhaminë”, tha ai.
Singh tha se ishte në grupin e parë të vullnetarëve, të cilët arritën në qytetin e Ayodhya, ku ishte Xhamia Babri. “Grupi im arriti atje në 1 dhjetor dhe unë isha i pari, që u ngjita në majën e kupolës qendrore të xhamisë, duke përdorur mjete për ta shembur”, rrëfen ai.
“Grupi ynë nga Panipat dhe qyteti i afërt i Sonipat ishin të parët, të cilët hynë në xhami duke përdorur çekiça dhe mjete të tjera për ta shembur atë. Pas kryerjes së detyrës, ne u pranuam si heronjë, kur u kthyem në Panipat”, kujtoi ai.
Por, kur Singh arriti në shtëpi, reagimi i familjes së tij e tronditi atë. “Ata më dënuan. E gjithë euforia u avullua. Kuptova se kisha bërë një gjë të gabuar. Unë kisha marrë ligjin në duart e mia dhe kam shkelur Kushtetutën e Indisë”, shtoi ai.
“Unë i bëra një analizë vetvetes. Njerëzit menduan se kam humbur ekuilibrin mendor. Më në fund, vendosa ta përqafoj Islamin për të më dhënë paqe mendore. Menjëherë, fillova të ndjehem më mirë, “tha ai.
Sot, Amir (dikur Balbir) është i martuar me një grua muslimane dhe drejton një shkollë për të përhapur mësimet islamike në një audiencë të gjerë në qytetin e Hyderabad. Ai ka ndërtuar 90 xhami deri më tani me kolegun e tij Yogendra Pal.
Singh tha se është i gatshëm të përballet me ndëshkimin për përfshirjen e tij në prishjen e Xhamisë Babri.
Kur u pyet për vendimin e Gjykatës Supreme Indiane për çështjen e Xhamisë Babri, ai tha: “Muslimanët tani duhet të ecin përpara dhe të punojnë drejt përmirësimit të marrëdhënieve me vëllezërit hindu. Allahu është me ne. Ne duhet t’i kërkojmë vetëm Atij për nevojat tona”./Gazetaimpakt/yenisafak
