Bota

Gratë palestineze ankohen për abuzim në burgjet e Izraelit

Gratë palestineze të mbajtura në burgun Damon janë duke u nënshtruar formave të ndryshme të abuzimit dhe poshtërimit nga Shërbimi i Burgjeve të Izraelit, tha të mërkurën Fondacioni Mohjat al-Kuds.

Gratë e ndaluara në një letër të dërguar në Mohjat al-Kuds janë ankuar për politikat agresive të ndjekura kundër tyre në baza ditore dhe kundër familjeve të tyre gjatë vizitave të planifikuara.

Sipas letrës, gratë që janë transferuar së fundmi nga HaSharon për në burgun Damon, tha se burgjet e Izraelit ende refuzojnë të japin atyre gjërat e tyre personale, duke përfshirë fotografi, libra dhe letra të shkruara.

Gratë ndaluar në letrën e tyre tha se e burgosurja Ja’abis po vuan nga komplikacione të rënda shëndetësore, dhe ajo nuk po merr trajtimin e duhur, edhe pse ajo ka nevojë për një operacion urgjent.

Ja’abis u arrestua pasi ajo u plagos rëndë në vitin 2015, kur një bombol gazi që përdoret në gatim shpërtheu në ndenjësen e pasme të makinës së saj pak metra larg nga një postbllok ushtarak izraelit. Autoritetet okupuese izraelite e akuzuan atë për tentativë për një sulm me auto-bombë.

Ja’abis u arrestua dhe u transferua në burgjet izraelite pa marrë trajtim të duhur, pavarësisht faktit se 60% e trupit të saj ishte djegur dhe gishtat e saj u amputuan.

Sipas burimeve palestineze, Ja’abis duhet t’i nënshtrohet të paktën pesë operacioneve urgjente para se të mund të kishte një operacion kozmetik.

Muhammad al-Kuds u bëri thirrje organizatave të të drejtave të njeriut, veçanërisht Komitetit Ndërkombëtar të Kryqit të Kuq, për të ndërhyrë dhe për t’i dhënë fund vuajtjeve të grave palestineze në burgjet izraelite.

Burimi : The Palestinian Information Center/ ML

OPINIONE