Lëvizja palestineze Hamas tha se rrënimi izraelit i fshatit Hammisa në qytetin lindor Tubas, në Bregun Perëndimor të okupuar, paraqet spastrim etnik.
“Shkatërrimi i fshatit nga Izraeli është një spastrim etnik i kryer nga institucionet sioniste kundër popullit palestinez”, deklaroi zëdhënësi i Hamasit Hazim Qasim për AA.
“Kjo është një shkelje e të gjitha rregullave ndërkombëtare”, shtoi ai.
Qasim tha se dobësia e presionit ndërkombëtar ka bërë që forcat pushtuese të vazhdojnë me këtë politikë.
Të martën e kaluar, ushtarët izraelitë mësynë fshatin Hammisa dhe rrënuan 11 shtëpi ku jetonin 23 familje. Si rezultat i shkatërrimit, 85 njerëz nga fshati mbetën pa çati mbi kokë./AA