Qindra persona në Holandë protestuan kundër Kinës duke kërkuar drejtësi për ujgurët dhe rregullimin e të drejtave të tyre.
Protestuesit, të cilët u tubuan para stacionit të trenit Haarlem, shprehën revoltën e tyre për fushatën sistematike të qeverisë kineze kundër muslimanëve ujgur.
Kina është akuzuar për politika shtypëse ndaj grupit musliman turk ujgur, si dhe për kufizimin e të drejtave të tyre fetare, tregtare dhe kulturore.
Protestuesit thërrisnin parulla për lirinë e Turkistanit Lindor dhe të turqve ujgur, si dhe lexuan një deklaratë ku u theksuan sfidat me të cilat përballen ujgurët për çdo ditë.
Deklarata kërkoi nga Kina të mbyll kampet e përqendrimit dhe të respektojë liritë fetare të ujgurve.
Ajo po ashtu u bëri thirrje vendeve evropiane të ndërmarrin hapat e nevojshme kundër Kinës dhe të kundërshtojnë shkeljet e të drejtave të njeriut.
Protestat u organizuan nga Shoqata Holandeze e Ujgurve./AA