Shqiperia

Organi i Vettingut, kërkesë për shtim stafi dhe ndryshim pagash

Komisioni i Pavarur i Kualifikimit ka dërguar një shkresë ditën e sotme, ku kërkon shtim personeli në disa sektorë brenda organit dhe ndryshim në klasifikimin e pagave të stafit.

Kërkesa i është dërguar kreut të parlamentit Gramoz Ruçi, kreut të Komisionit të Ligjeve Ulsi Manja, Ministres së Drejtësisë Etilda Gjoni, atij të Financave Arben Ahmeti dhe Sekretarit të Përgjithshëm të Këshillit të Ministrave Engjëll Agaçi.

Mes kërkesave, Komisioni shpreh nevojën për 8 këshilltarë ekonomistë shtesë, dy përkthyes shtesë, dy specialistë protokolli shtesë, dy specialistë të sekretarisë gjyqësore shtesë dhe një punonjëse pastrimi shtesë.

Komisioni i Pavarur i Kualifikimit është një organ i ri kushtetues, me mandat 5-vjeçar, i krijuar me ndryshimet e reja kushtetuese.

Ky organ është pjesë e paketës për Reformën në Drejtësi, për krijimin e një sistemi gjyqësor të pavarur dhe profesionat, të çliruar nga korrupsioni.

OPINIONE

INTERVISTA