Gjyqtarët dhe prokurorët e shkarkuar nga Vettingu kanë krijuar një shoqatë, e cila quhet “Drejtësi për Drejtësinë”.
Ata i kanë dërguar një letër Avokatit të Popullit që të verifikojë procedurën e përzgjedhjes dhe dokumentacionin e anëtarëve të organeve të vettingut.
Shoqata pretendon se nga verifikimi që ata i kanë bërë dokumentacioneve të paraqitura nga disa anëtarë të organeve të vettingut, kanë dalë në konkluzionin se një pjesë e mirë e aplikantëve që sot janë emëruar në organet e rivlerësimit kanë gënjyer dhe kanë paraqitur dokumente të paplota dhe të pasakta./tpz
